1.
PHR 2952 Forever And For Always 2 (Diane & Mike) by Joan JeanPara kay Diane ay malas siya sa pag-ibig. Lahat ng lalaking napapaugnay sa kanya ay napapahamak. Kaya ipinangako niya sa kanyang sarili na hindi na siya iibig uli. Nakatalaga na nga yata siyang tumandang mag-isa.
But meeting Mike again, a classmate from high school, made her reconsider her decision. Pinigilan niya ang kanyang sariling umibig dito ngunit ayaw talagang papigil ng kanyang puso.
Paano niya lalabanan ang takot na naghahari sa kanyang dibdib?
2.
PHR 2953 Here With You by Claudia SantiagoNakilala ni Jamila si Warren sa isang kakatwang sitwasyon. Nakita niya itong binubugbog ng dalawang lalaki. Kung hindi pa dahil sa lakas ng loob niya ay baka kung ano na ang nangyari dito. Iyon ang naging daan upang magkaroon ng malaking kaugnayan si Warren sa buhay niya.
Sa ilang oras na pananatili nito sa bahay niya, nakaramdam siya ng panghihinayang na hindi na sila muling magkikita. Pero naisip niyang mabuti na rin iyon dahil ayaw niya sa mayayaman. Dahil kasi sa mayayaman kaya sila iniwang mag-ama ng kanyang ina.
Ilang araw ang lumipas, nagulat siya nang magbalik ito. Naalala raw siya nito, pati na ang mga kasama niya sa bahay na sina Lola Carmen at Ruben.
Unti-unti niyang napapansin na nakikibagay ito sa kanila, hanggang sa maramdaman niyang nahuhulog na ang loob niya rito.
Handa na ba siyang yakapin ang mundo nito at ipakipagsapalaran ang puso niya?
3.
PHR 2954 Tillie Do Us Part by Rose TanDalawang dekada nang in love si Tillie kay Briggs kaya naman nang isang gabing makita niyang may katagpong lalaki ang fiancée nito ay ginamit niya ang pagkakataong iyon para agawin ang puso ni Briggs. Hindi pa huli ang lahat. May pag-asa pa ang pag-ibig niya. Sumugod siya sa clinic ni Doc Briggs para magsumbong. Pero pagkatapos ng kanyang makapigil-hiningang pagsasalaysay ay walang sinabi ito kundi:
“Get a life, Tillie.”
4.
PHR 2955 A Penny For Cade by Dream GraceMay kapansanan si Penny dulot ng isang trahedya noong bata pa siya na kumitil sa buhay ng kanyang pinakamamahal na ina. Iyon din ang dahilan kung bakit naging recluse siya. Kaya naman hindi niya napaghandaan ang pagpasok sa buhay niya ng isang tulad ni Cade Cassidy, ang guwapo at misteryosong multimillionaire na kasosyo ng kanyang ama sa negosyo, at ang dapat ay mapapangasawa ng nakatatandang kapatid niya.
Pero nalaman na lang niyang siya na pala ang pakakasalan nito!
She thought that despite her disability, he was attracted to her—the reason why he wanted her to be his wife. Pero napag-alaman niyang may iba pa palang motibo ito—isang motibo na nag-ugat sa madilim na nakaraan nito...
5.
PHR 2956 Carmela\'s Romance by VanessaMatalik na kaibigan ni Carmela si Max. Ito ang parating kasama niya at halos sa kanyang bahay na ito nakatira. Ganoon din siya sa bahay nito. Marami man ang nag-iisip na sila na at kahit itinutukso sila sa isa’t isa, alam niya ang totoo: best friends lang sila. Ngunit hindi niya inaasahan na isang araw ay sasabihin nito sa kanya na mahal siya nito. Nagulo ang mundo niya. Hindi siya handa sa ganoon. Kaya naman umiwas ito sa kanya.
Kung kailan wala na ito ay saka niya natanto na matagal na palang ito ang isinisigaw ng puso niya. Paano na kung mayroon na itong nobyang pantasya ng kalalakihan--maganda, matalino, maalindog at kompara sa kanya ay isang diyosa? May pag-asa pa kaya siyang mabawi ito?
6.
PHR 2957 Softly As You Leave by AmandaNamatay sa isang car accident ang kasintahan ni Kristine sa araw ng kasal nila. Pakiramdam ni Kristine ay kasamang namatay ni Adrian ang puso niya.
She was still hurting nang isang araw ay dumating si Cain at inalok siya ng trabaho. She was a landscape artist, at ganoon na lang ang paghanga ng binata sa mga “obra” niya. Nakahanda itong magbayad ng isang milyon.
Tinanggap niya ang alok nito. Nagtungo siya sa mansiyon ni Cain sa Laguna. Pero daig pa niya ang bisita kung tratuhin nito. Hanggang isang araw ay isama siya nito sa Tagaytay. Nakita niya roon ang dream house na ipininta ni Adrian sa canvas.
It came to her as a surprise. Pero higit pa pala roon ang sorpresang naghihintay sa kanya… dahil nang magtapat ng pag-ibig sa kanya si Cain, noon din niya nalamang puso ni Adrian ang bumubulong…
7.
PHR 2958 Love Contract by Heart YngridHaley was meant to be with Rhett. Ngunit iyon ay para lamang sa mga magulang nila na mag-best friends, dahil hindi nila masikmura ang isa’t isa simula pagkabata. Kinalakihan nila ang pagbabangayan. Kaya ganoon na lamang ang relief na naramdaman niya nang magkahiwalay sila ng landas.
Ngunit pagkalipas ng ilang taon ay bigla na lamang lumitaw ito at inaalok siya ng kasal. At lalo siyang nainis dito nang malaman niya ang dahilan ng pag-aalok nito ng kasal sa kanya. Desidido siyang huwag tanggapin ang kalokohang kasal na iniaalok nito. But something happened in his favor. All of a sudden, she was trapped into a marriage that was only bound to last for six months.
Until suddenly, tila ayaw na niyang dumating ang expiration date ng kanilang marriage contract dahil ayaw na niyang malayo rito...
8.
18 Roses Series 33: Sofia Lorraine, The Beloved Slave by Cora Clemente Malapit nang sumapit ang pinakahihintay ni Sofia Lorraine na debut niya nang matuklasan niya ang napakabigat na problemang kinasusuungan ng mommy niya—lubog na ito sa pagkakautang. Lalong lumaki ang problemang sumalubong agad sa pagpasok niya sa mundo ng pagiging ganap na dalaga nang idemanda ito ng ginang na pinagkakautangan nito.
Ayaw niyang makulong ang mommy niya. Kaya bago pa mangyari iyon ay nakipag-usap na siya kay Mrs. Estevez na huwag nang ituloy ang demanda. Gagawin niya ang lahat, sukdulang magpaalila siya rito.
Pero ibang klaseng pagsisilbi ang gusto ng ginang kapalit ng peace of mind niya—iyon ay ang baguhin niya, o mas tamang sabihing paibigin niya, ang anak nitong si Vincent. Si Vincent na saksakan nga ng guwapo ngunit mukhang galit naman sa mundo.
Kaya ba niyang patinuin at paibigin ang lalaking mukhang labis na magpapasakit ng kanyang ulo… at ng kanyang puso?
9.
Craville Series 4: Elegance by ArielleIsang magaling na abogada si Beatrice. May reputasyon siya bilang isang matapang at malakas na babae.
Ngunit binansagan din siya bilang “black widow.” Lahat kasi ng napapangasawa niya ay namamatay. Sa pagkamatay ng ikalawang asawa niya ay naging napakaemosyonal niya. Kinailangan niya ng isang taong mapaghihingahan niya ng sama ng loob kaya nagtungo siya sa simbahan upang mangumpisal.
Sa loob ng confessional box ay sinabi niya ang lahat ng kanyang itinatagong sekreto. Ngunit ganoon na lamang ang gulat niya nang matuklasan niyang hindi isang pari ang nasa loob ng confessional box kundi isang guwapong lalaki na nagngangalang Bien Lucero.
Hindi niya akalaing iibig siya rito. Pero ayaw niyang maging asawa ito kahit mahal na niya ito. Paano na lang kung mamatay ito nang maaga?
10.
Craville Series 5: Azure by ArielleUnang kita pa lamang ni Frances sa lalaking may bughaw na mga mata ay na-in love na siya rito nang todo. Wala siyang pakialam kahit sabihan siya nito na napakabata pa niya at hindi siya nababagay rito. Determinado siyang paibigin ito.
Hindi rin siya pinanghinaan ng loob kahit natuklasan niyang ito ang tagapagmana ng billion dollar business empire at lahat yata ng babae ay kaagaw niya sa pagtingin nito. Sumumpa siya na magiging isa siyang successful career woman at magiging karapat-dapat siya para dito.
Lahat ng pinangarap niya ay natupad maliban sa isang bagay. Hindi niya naging asawa ang lalaking pinakamamahal niya nang mamatay ito.
Wala siyang kamalay-malay na buhay na buhay ito, na lihim na nakabantay ito sa kanya, nag-aalaga, pumoprotekta, at kinikimkim ang labis na pagmamahal sa kanya.
Home 
